Dr.Cherry
سـ ح ـر الـ ع ـيون
طريقه سهله و سريعه لتورتة الميل في ...
بس طبقات (( الميل في جاهزه )) في هذه الصور
الطريقه تنفع جدا لو عندك ضيوف أو مناسبه و مستعجله
و حابة تقدمى شي من ايديكى بتعمليها حتى قبل ما الناس ييجوا بساعه أو ساعتين
فى خلال 5-10 دقائق بيبقى عندك كيكة فاخرة
.. زي الجاهزه بالضبط و أحلى كمان.
1-الرقائق جاهزه من السوبر ماركت
2-بودرة كاسترد جاهزه برضو أي نوع
3-لبن
4- سكر حسب المذاق
5- فانيليا
6-لوز مكسر أو بندق مكسر
7- سكر بودره للتزيين .
الطريقه :
1-اعملي الكسترد حسب الأرشادات و لا تجعليه مبالغ فى كثافته ..
يعنى متوسط الكثافه و طعم السكر يكون واضح شويه.
2- اتركيه يبرد شويه ..خدى بالك لما
يبرد حيتقل عن الأول.
3-ضعى الطبقه الأولى من ( الميل في ) و فوقها طبقه كثيفه من الكسترد الدافىء.
4-ضعى الطبقه الثانيه من ( الميل في ) و فوقها طبقه كثيفه من الكاسترد .
5- ضعى الطبقه الثالثه من الميل في و فوقها سكر بودره.
6- ادهنى الجوانب بطبقه سميكه من الكسترد و الصقى عليها اللوز المكسر دائريا.
7- رشى سكر بودره مرة اخرى على الوجه.
8- ممكن تكتفى بهذا القدر من التزيين و ممكن تقطعى بعض الفواكه ..
بس تكون كميتها بسيطه علشان السكر البودره لازم يظهر.
9- تترك فى الثلاجه ساعه أو ساعتين ..
و هذا الشكل النهائى
و ممكن برضو ترشى شوية لوز مكسر على الوجه حسب الرغبه.
مفيش أسهل و لا أسرع من كده
و بصراحه فى منتهى الفخامه و تكلفتها قليله .
وصحة وهنا
