Bushra Abu Hamdia
مشرفة الألعاب الألكترونية
صعبه حياتي معك
ما بعرف ليّش !!
بحس اوقات بدي احضنك
بوسك بحنان
وبنار شفافي احرئك
ما بعرف ليّش
اوقات بكره فيك الحنّيّيه
واوقات , بحس بحنانك
حنان خييّ , و عطف بييّ
واوقات ...
بحلم , وبسافر معك لبعيد
وبشوف حالي بين ايديك
متل طفل فرحان , بيوم العيد
واوقات , بحسّك طيّب وحنون
واوقات , بشوف فيك انسان ظالم , مجنون
وبهرب انا لبعيد ... والندم خانقني
خانق فييّ الروح , الكانت تعاندني
وبصير عاتب نفسي , ليّش بحكي معك
وليّش بصلاتي كل ليله
بطلب من ربي يسعدك ؟؟؟
ولك غريب احساسي كيف صاير معك
وكيف حتى بجنون غضبك
بحسك عَ مملكتي , انت الملك
بس عمري ما شفت حالي اميرة , بمملكة حبك المجنون
بعمري ما شفت فيك , الا انسان , بالغضب مسكون
يا قلبي يا مجروح ... لا تزعل و لا تهتم
ولا تفكر بكلمات تافهّ , بتنقط سم
ونام قرير العين .. انت يا ملك
يا خاطف مني الروح
يا رامي سمك بقلبي , يلي انجرح
واياك تهتم لنزف قلبي المجروح
امس لفظت اخر كلماتي ... وماتت فيي الروح
