Bushra Abu Hamdia
مشرفة الألعاب الألكترونية
الحزن واحة خافقـي فـي سماهـا
طير(ن) يحوم ولا لقى حولها فـي
واحة: جفاف العمر حـزن ارتواهـا
وكسّر غصونه والثمر صار مـذوي
مابـه ملامـح للحيـاة وصفـاهـا
إلا غراب(ن) ينعق اصوات تـدوي
وريح(ن) تصرصر بعضها من عتاها
غي المدامع غـي والعاتيـة غـي
اطوى ظمى الايام واطلـق رشاهـا
وترجع وفاض(ن) مابها قطرة المي
واليـأس ماخـلا شبـر ماوطاهـا
حتى براعمها طواه العطـش طـي
كل ما أغمّض فـي عيونـي اراهـا
احلى طيوف(ن) كنت من اجلها حي
اسنيـن مـرّت واحتسينـا حلاهـا
والمر هذا اللي بقى والشقـاء لـي
راحـت وخلتنـي اسيـر بهواهـا
عهدي بها يوم الفجر كان له ضـي
ويوم القمر له بسمة(ن) وش حلاها
ويوم اليالي مالهـا شكـل(ن) وزي
اصارع احلام(ن) مضت لي معاهـا
واجاذب الحسرات وانـوح وابكـي
اكبر ذنوبـي فـي عذابـي غلاهـا
واصغر ذنوبي في عذابي بعد هـي
من قسوة الدنيـا وجايـر قضاهـا
مكتوب لي حمل العناء لو اقـول أي
هذي هي الدنيا اذا اعطـت قفاهـا
تخليك في خانة خـلا مابهـا شـي