Bushra Abu Hamdia
مشرفة الألعاب الألكترونية
/
شرعت لـآهات الحقيقه في ضميـري كـل بـابودقيت فـوق اوتارهـا وتـر وتـر وتـر وتـر
جهزت حالي للسفـر بـدري وشديـت الركـابوكحلت عيني من تعـب ليـام واطـراف السهـر
رفعت في وجه المعاني كـل بـاب ولـه جـوابوجاوبت كل الاسئله سطر سطـر سطـر سطـر
الا سؤال كان مضمونه ( لا تبطـي فـالغيـاب )علقت اجاباته وانـا صـادق علـى كـف القـدر
حيث المسافـر سكتـه خطـره وزاده بالزهـابحتـى صـلاة الله يصليهـا كـذا جمـع وقصـر
سقت القدم للحلم وادرجـت المتاعـب بالحسـابونا من اول عـارف دروب الوعـوره والخطـر
امشي ولامنه عرض لي شئ من بعض السـراباو حدني لاهوب حر القيـظ فـي وقـت الظهـر
الد وجهي للسمـا الصافـي وادور بـه سحـابوالقى الاجابـه مثـل ماقالـوا يجيـب الله مطـر
وقدام اقرر قلت ابا اوقف لحظـة قبـل الذهـابحيث الدروب اشوفهـا قامـت تشابـه فـالنظـر
قلت اقتحم سور المدينه لو علـى روس الحـرابعل المدينه عندهـا عـن حاجتـي علـم وخبـر
وصلت لـاطراف المدينه ونبحـت كـل الكـلابومن شان اسكت كلبهـا المسعـور لقمتـه حجـر
دخلت من باب المدينـه وانفتـح بـاب وحجـابعن مجلس الوالي ومـا يحويـه ديـوان القصـر
قلت السلام ورد لي ثم قال علـم الضيـف طـابقلت بدويٍ يعشق الصحـراء وعايـش بالحضـر
قال البـداوه رمـز قلـت الا شعـار كالشهـابقال الحضاره قلـت نبـراس العـلا منهـا ظهـر
قـال البنـادم قلـت بالآخـر مــرده للـتـرابوالآخـره دار البـقـا واول منازلـهـا القـبـر
قال المسافـر قلـت لامنـه دعـا الله مستجـابمابيـن دعواتـه وبيـن الله حجـاب ولا سـتـر
قال القلوب وقلت ذي صابونهـا صـدق العتـابتحيى على صدق الوفا وتخاف من طعـن الظهـر
قال الهماج وقلت ماهـو للرجـل مثلـي شـراباليا ضميت انخى الحميه لعن ابـو الـذل الصبـر
موت الرجل ضميان فـالصحراء على بيض الثياباخير له مـن شربـة همجـه تـورث لـه قهـر
قال العصا وش علمها قلت العصا اللـي بالكتـابهذي عصا موسى كلت مايصنعونـه مـن سحـر
قال الشعر قلت الشعـر طيـر تعـلا بالهضـابفيـه المجـال الحـر والشعـر المقفـى والنثـر
لكن ليامن صـار عنـد القـول مايلـوي الرقـابيصبح سماعه مضيعه واهدار وقـت مـن العمـر
قال انت شاعر قلت شاعر في حياتي بـاغتـرابوأشعر بما حولي من اللوعـات وهمـوم البشـر
قال انت وش هي حاجتك قلت التلـذذ بالصعـاباتـوق للعليـا واروم المجـد واحــب الفـخـر
قال انت حاجتك انقضت مادمت في درب الصوابون كان عنـدي مـن وصيـه فالله الله فـالحـذر
قلت انت توصي واحد لـامر المصاعب مايهـابودعتـك الله عقـب ماحـان الـوداع المنتـظـر
رجعت واوتـار الحقيقـه دونهـا مقفـول بـاباذا انفتـح دقيتهـا وتـر وتــر وتــر وتــر
( شاعر )