أسمع صدى صوتك... محمد بن راشد آل مكتوم

[Dr.Cherry]

أسمع صدى صوتك مع ضجة الناس
والحس يسري للضماير حسوسي​

أنسى معاك العزم والفكر والياس
وحبك بقلبي للضمير امغروسي ​

واهيم في بحر بالأمواج غطاس
واسج وانسى عن ربوعي جلوسي ​

قربك شفا للروح والنود نسناس
وروياك سعدي عن ليالي نحوسي ​

يامورد الخد المعسل بالالعاس
ياضي جبينه في الظلام الدموسي ​

العين عين اللي على الكف حباس
والصيد له بمعودات الفروسي​

فرخ الحرار امذهب الريش طلماس
أشقر عليه امن النداره هيوسي ​

ياضي ضيا خده كما نور نبراس
والا شعاع الشمس قبل الغلوسي ​

عنق الخشوف اللى محاوز عن الناس
دق العنود اللى ترب الطعوسي ​

يرعى زماليج ٍ بها الورد نفاس
يقطف دنق في مرتعه ومحروسي ​

كنه يحش القلب مرهوف لمواس
حش الصريم اللي نواه اليبوسي​

عليه من فقدي وجدي ولحساس
مثل الضريم اللي عليه امحموسي ​

نار اتواقد هبها نود لساس
موقد غضاها من حطبها يبوسي​

مادمني حي فلا بقطع الياس
حبل الرجا والا قطعت النفوسي ​

طيفك يراودني مع غفلة الحاس
ويسود جوي والمشاعر حبوسي ​

وآتيه في صحرا ولا جيد مرواس
واهيم في دنيا عراها لبوسي

 

[الاميرة جورية]

طرح رائــع ومميــز كــ روعتــك ..

سلـم ذوقـك الراقي ...

دامت آنفــاسك وعبيرهـــا ~