Bushra Abu Hamdia
مشرفة الألعاب الألكترونية
بسم الله الرحمن الرحيم
السلام عليكم ورحمة الله وبركاته
صباح / مساء الخير أعزائي أسرة العاصفة
تقبل الله منا ومنكم صالح الأعمال وجعلنا من عتقاء هذا الشهر من النار
ويسرني أن اضع بين أيديكم هذه القصيدة المتواضعة التي أتيت بها
لاوالله الاّ ساع زان الجو واهتـاض الضميـرتعال يا عذب الشعـر بالطيـب بالقـوة تعـال
تراي باعي في مجال الشعر ماهـو بالقصيـرأخذت قسمي ضمن من يمشون في هذا المجال
ما اقول انا الشاعر وانا الماهر والأول والأخيراقول شاعر ضامن المكسب وعندي رأس مال
وانا ليا مني طرقت الشعـر بالمعنـى خبيـراسوقها بالقاف سوق الكيف من صفر الـدلال
ياكم ماتسبح بـي الأشعـار بالبحـر الغزيـروياكم ما ترقى معي فوق المراقيـب الطـوال
ألجالها لاصرت للهوجـاس والأفكـار اسيـروتدخلني وتحميني من الهم برهيـف السـلال
واذكر بها ما بالحياة من المواقف مـا يصيـرواحفظ فيها مذكرات العمر من مـاض الليـال
فيها حفظت الموقف اللي حيّر اللي مـا يحيـرخلاني أقول السؤال ولا أقدر أجيـب السـؤال
سبحان رب الكون يا نجمٍ محلّـه مـا يسيـرنجوم غابت وطلعت وهـوه محلـه لا يـزال
مكانه اعلى منطقـه لكـن بالكـون الصغيـروحكمه حرام الوقت هذا ويمكن يعـوّد حـلال
حاولت افكر فيه بعرف له مع الدنيـا مسيـروإنه مسيره حول نفسه لا جنوب ولا شمـال
كل الكواكب شكلها واحـد لكنـه شكـل غيـرماله شبيه ألا الهلال اليا اكتمل بـدر الهـلال
وجلست افكر كيف بوصله وهو دربه خطيـرلين اهتديت لخطـةٍ توصلنـي لنيـل المنـال
وصنعت لي في ورشة الأفكار ماكـوكٍ يطيـروركبت فيه وقلت بسم الله على الكوكب عدال
سافرت يا طول السفر كله خطر دربٍ عسيـرأخذت فيه شهور والساعـات فيهـا كالليـال
وبدأ يبين ويختفي وانا علـى رؤيـاه اسيـراليا اختفى وقفت واليا بـان شديـت الرحـال
وبديت منه اقرب وباين كنّـه سـراجٍ منيـرنجمٍ لمع ضـوءه سطـع كامـل ولله الكمـال
وهبط مكوكي فوق جمرٍ معتلي مـرو وغديـرمن تحت حد السيف يالبيه سيفٍ لـه ظـلال
وسكنت به وحدي وصرت امير وأميرٍ كبيـروملكت فيه من الذهـب مـالا يقـدّر بالريـال
اليا زعل يارب لطفك صـار شـره مستطيـرواليا ضحك تضحك لي الدنيا ويا سهل المنـال
أحلى والذ من العسل وانعم من قماش الحريـرواصعب على غيري لمن يبغاه من هد الجبـال
أقرب لي من زرار ثوبي والبشـارة للبشيـروالفرق عن غيره كما فرق الحقيقة والخيـال
طرى عليّه يوم زان الجو واهتاض الضميـرتعال يا عذب الشعـر بالطيـب بالقـوة تعـال