دامك الموت الحقيقي يا حلاة الإحتضار

[Dr.Cherry]

إستشير القلب دامك تشعر إنك مستشار
ولاتظن عيوني أبدا غير عينك تستشير ​

لاتحسب إني أراوغ أو أمانع أي قرار
دام حبك بي خيالي خل يصير الي يصير​

والقناع الي لبسته مايغير هالمسار
كل واحد في غرامه يمتلك قلب وضمير ​

جيت لك موت وتحدي .. لو تبي جيت إنتحار
المهم ابقى عشانك دام حبك بي خطير​

خلها تطول المسافه ما أملّ الإنتظار
دام أشوفك في خيالي عاشق(ن) ماله نظير ​

ودامها صارت تحدي ما أحب لعب الصغار
وأبتدي أقنع عيوني بس تشوفك هي كبير ​

وأعلن سيوف التحدي وأرفعك فوق الكبار
وكل شامخ في طريقك أجبره يبقى صغير ​

وساحة الشِّعر بمداها تصبح لعينك قطار
كلها تهون لقصيدك بس تهنى بالمسير​

دوم أنا أبقى قويه .. بس أحس بإنكسار
تدري وش يعني شموخ(ن) داخله يبقى كسير ؟؟ ​

تدري وش يعني عظيم(ن) .. تشعره بالإنهيار ؟؟
تدري وش يعني غرام(ن) مابه إنسانٍ يغير ؟؟ ​

تدري وش يعني حبيب(ن) راح عنك وإستدار ؟؟
تدري وش يعني بروده يشعلك نار السعير ؟؟ ​

كلها تهون لعيونك وأشعر إني بإنتصار
وأمسك النار بايديني ولا أفكر بالمصير ​

دامك الموت الحقيقي ياحلاة الإحتضار
تزرع الشوك بطريقي أمشي وأتخيل حرير ​

التحدي هو غرامي ولا أعرف الإنحدار
ولذة السكّر هوايه تخجل الوضع المرير ​

شفتني كيف أنتهي بك شفتني ياأحلى مرار؟!
لاجلك أجبر هالمربّع ياعذابي يستدير ​

ولاجلك عيون البرايا كلها مني تغار
وكل ما سافر مدينه خافقي لعينك سفير ​

تمطر الدنيا غيوم(ن) برقها يضوي شرار
والصحاري كلها لك وردة(ن) وسط الغدير ​

والمسافه لو بعيده ما أملّ الإختصار
ماتهم الجاذبيه دام أنا لعينك أطير​

كلهم قالوا غريبه وين عقلك .. كيف طار ؟
قلت أنا للي خذاني وإبتعد عني كثير ​

يستشير الكون لكن مايفيد المستشار
هو عقب نظرة عيوني .. به عيونٍ يستشير ؟





مما راق لي​