معلومات يهمك

[noor505077]

في نظرية بتقول إن حركة جناح الفراشة 🦋 ممكن يكون لها تأثير في حدوث إعصار😳
أول لما سمعت الجملة افتكرت إنها مبالغة وفيها نوع من الحماقة في التعبير
لكن بعدها عرفت أنها تقريباً نفس فكرة الكايزن والتأثير التراكمي
عشان تنجح في إكتساب مهارة أو لغة جديدة أو تطورها، أو تحقق هدف مالي ظاهريًا مستحيل تحقيقه مقارنةً بمستواك الحالي، لازم تقرأ عن الكايزن وعن التأثير التراكمي أو التأثير المركب لو مهتم تعرف اكتر تابع الرد معنا

 

[theprince]

في نظرية بتقول إن حركة جناح الفراشة

ممكن يكون لها تأثير في حدوث إعصار

أول لما سمعت الجملة افتكرت إنها مبالغة وفيها نوع من الحماقة في التعبير
لكن بعدها عرفت أنها تقريباً نفس فكرة الكايزن والتأثير التراكمي
عشان تنجح في إكتساب مهارة أو لغة جديدة أو تطورها، أو تحقق هدف مالي ظاهريًا مستحيل تحقيقه مقارنةً بمستواك الحالي، لازم تقرأ عن الكايزن وعن التأثير التراكمي أو التأثير المركب
واللي ببساطة فكرتهم بتعتمد علي تنفيذ خطوات صغيرة جدًا مرتبطة بالهدف تكاد تكون مضحكة من كتر بساطتها ولكن بشكل متكرر وبانتظام وبدون تقطيع واللي بينتج عنها في الغالب تحقيق أهداف كبيرة علي المدي الطويل.
عشان كدة هتلاقي نسبة كبيرة من دكاترة التغذية العلاجية حاليًا بتشتغل بنظام الـ flexible dieting، اللي بيكون عبارة عن تعديلات بسيطة في النظام الغذائي وتعديلات بسيطة علي نمط حياة المريض بتساعده في تحقق نتائج ممتازة علي المدي الطويل.
نفس الكلام لو أنت عندك هدف مالي كبير جدًا مقارنةً بمستواك الحالي
للتبسيط هنقول إن دخلك السنوي ١٢٠ ألف جنيه سنويًا من منتج أو خدمة بتقدمها
وعندك هدف إن دخلك يوصل ٦٠٠ ألف جنيه سنويًا، يعني ٥ أضعاف الدخل الحالي
وبالتالي إنت محتاج تضاعف عدد عملائك أو تزود الـ AOV و retention rate أو كلهم مع بعض بالإضافة لبعض التعدلات علي البيزنس لكن دة مش موضوعنا.
خلينا ناخد عنصر زيادة العملاء فقط ونطبق عليه عشان منخرجش عن سياق الموضوع
* في الحالة دي قدامك طريقين لزيادة عدد عملائك*
- الطريق الأول هو التغيير الجزري
وهو عبارة عن إنك هتحاول تحقق الهدف دة بشكل مباشر في أسرع وقت ممكن، عن طريق زيادة الميزانية الإعلانية وتطوير ادائها وتحسين الـ copywriting و الـ creatives وشوية حجات تانية هتجبرك إنك تكون team أو تتعامل مع Marketing Agency وتوسع الشغل من حيث إنك لو بتقدم خدمة بشكل فردي ممكن أو غالبًا هتحتاج توظف متخصصين في مجالك يساعدوك في تقديم الخدمة لعدد أكبر عشان توصل للهدف المالي اللي أنت محدده
بالنسبة لحالات تانية وشركات بمستوي أكبر بيكون هو دة الصح، لكن في حالة المثال اللي ذكرته هتكون مخاطرة إلي حداً ما لأنك هتصرف مبالغ أكبر من دخلك بفرق كبير ولو مفيش وعي بحجم الطلب وقوة المنافسين وتفاصيل كتير تانية مرتبطة بالبيزنس ممكن تخسر كتير، بالرغم إنها مغامرة ممتعة وممكن تنجح لكن في طريق تاني ممكن تمشي فيه هشرحهولك دلوقت وأنت تقرر تطبق أنهي فيهم
#Elkady
- الطريق التاني هو إنك تطبق أسلوب الكايزن أو التأثير التراكمي واللي هيحتاج وقت أطول لكن بخطوات بسيطة ونسبة مخاطرة أقل وهقولك أزاي تطبقه دلوقت
١- أسأل نفسك أسئلة بسيطة مرتبطة بالهدف بالشكل التالي:
س - إي هي التعديلات البسيطة اللي لو طبقتها هتزود عدد الـ Leads أو الإستفسارات؟
ج - الأهتمام بالـ Inbound Marketing
٢ - ما هي الأفعال البسيطة التي يجب تطبيقها بإنتظام لزيادة عدد الإستفسارات؟
ج - هكتب كل يوم بوست مفيد للشريحة اللي ممكن تتحول لعملاء
ج ٢ - هعمل مدونة وأكتب عليها مقالتين أسبوعيًا
في نهاية السنة هتكون كتبت ٣٦٥ بوست في مجالك وبالتالي هيكون جزء من مواضيع بيظهر في محرك بحث المنصة اللي بتشارك عليها المواضيع
والأهم إنك هتكون كتبت من ٩٦ إلي ١٠٤ مقالة في نهاية السنة ودول لو مكتوبين بطريقة صحيحة وبناءً علي خطة محتوي وبإتباع قواعد الـ SEO في الغالب هيساعدوك في الحصول علي عملاء جودتهم عالية ومهتمين جدًا بخدماتك
٣ - حدد مكافآت بسيطة تكافئ بها نفسك بعد إنجاز المهام
ج - تشوف حلقة من مسلسل في نهاية الأسبوع
ج - شوكولاته

ج - وجبة بتحبها لو نجحت في الإلتزام بالمهام المطلوبة منك
بالشكل دة الشغل هيكون ممتع والنجاح أسهل لو قرأت البوست لغاية هنا قولي رأيك هل أسلوب الكايزن أفضل ولا التغيير الشامل أو الجزري ومحاولة تحقيق الأهداف بسرعة كبيرة
#mohamedelkady