Bushra Abu Hamdia
مشرفة الألعاب الألكترونية
موت قلم ... من الألم
مش جاييّ لومك , ولا عاتبك
جاييّ بس , حتى بكلمتين صارحك
صار الي ايام , مش قادره احكي
بنام عَ مخدتي
و بدموع الحزن ببكي
بجرب امحي من بالي ذكرى همساتك
و قسوة الغضب
الكانت تمسني بكلماتك
واخنق بقلبي صرخة الاخ
واقتل بروحي الحنين
كل ما الفجر , من بعيد لاح
اطلب الرحمه من نسمة هوى
تحاكي فوأدي , تحضني بوفا
تهدهد بروحي صدى الذكريات
ترجع امل صغير لقلم ...
من قسوة كلامك مات
جاييّ قلّك كلمتين صغار
انا يا .....
يا حلم عمري
بس اكتب خواطر , و اشعار
بكتب بصدق احساسي
بنزف الأخ ... من جرح معاناتي
وبكتب عَ الدفتر كلمات
يبقو ببالك بس ...
بس ذكريات
بكتب كلمات , حروفها تلج ونار
وبصدق هالكلمات , بكمل معك المشوار
انا ...
انا يا حلم عمري
حفرت اسمك بقلبي ... متل الوشم
صدمتني بكلماتك الجارحه
وكنت متأمله فيك , كل العشم
فكرتك الي ر ح تكون الصديق
تخرسن كلام تافه , صدر من رفيق
فكرتك الي , انت الأخ الطيب الحنون
فكرتك عالوعد باقي , وما بتخون
لكن طلعت خاين
وخنت عشرة عمر وسنين
وفجرت بروحي بركان
للموت صرخ اااااخ
بكي العناااات بدموع الأنين
وجايي اليوم تلومني , وتعاتبني !!!؟؟؟
جايي بلحظة ضعف من فكري
بالندم تحسسني!! ؟؟
بس الظاهر , انك انت نسيت
نسيت ...
اني انا الحنين , الكان ساكن فيك
انا الحنين , حفرت اسمي عَ شفافك
وداب من حنيني الك , الصمت بانفاسك
لا ....
لا تلوم روحي
لو عاندت فيك الحكي
ولا تلوم دموعي
لو حرقت خدودي من البكي
لكن , لوم فكر فيك صار من حجر
لوم قلب نور الطاهر
لو شي يوم لأسمك نكر
