Bushra Abu Hamdia
مشرفة الألعاب الألكترونية
بسم الله الرحمن الرحيم
السلام عليكم ورحمة الله وبركاته
محاولة جديده اتمنى أن تنال استحسانكم ورضاكم
يا صاحبي لا شفتني يـوم مهمـوم
ابيـك تقربنـي وتبعـد همـومـي
وإن شفتني والحزن بالوجه مرسوم
ابيـك تنشدنـي وتاخـذ علـومـي
وان شفتني بين الهواجيس مزحـوم
ابيك تضفي جـو كـان امعدومـي
وان شفتني تايه وفي بحري اعـوم
ابيك تنقذني ليـا صـرت أعومـي
وإن شفتني ضايق ولا عندي علـوم
حـاول تبعـد ضيقتـي لا تدومـي
وإن شفتني من وضع الايام مشئوم
حـاول تذكرنـي بـربٍ رحـومـي
وإن شفتني فالشمس ما حولي غيوم
تعـال ظللنـي سـواة الغيـومـي
وإن شفتني والدمع بالخـد مزكـوم
امسح دموع العين لا احـدٍ يلومـي
وإن شفتني من قرصة الوقت مسموم
انثر على القرصة علاج السمومـي
وإن شفتني طيرٍ مـع جـوه يحـوم
ضاقت به الدنيـا وعـود يحومـي
واصبحت منجومٍ ولا نـي بمنجـوم
من كثر ما افكـر واعـد النجومـي
تعال شجعني ترى الحـال مهـزوم
والروح ضاقت بي وضاقت اهدومي
الهم قسمه لكـن إن صـار معـزوم
وش حيلة اللي ضاع بين القسومـي
يا صاحبي كلمه ليا صرت مهمـوم
تبعد عن الروح العليلـه اهمومـي